1YE OUT 2024 — Jodi a, Biwo Resansman Etazini an pibliye Resansman 2020 an ki gen kantite fanmi, ansanm ak enfòmasyon sou kalite fanmi ak kalite kontra kay la (si kay la se pou yo oswa yo lwe l) pou 300 ras ak orijin detaye, ansanm ak 1,187 Amerendyen ak tribi ak vilaj otoktòn. Fichye B karakteristik demografik ak lojman detaye nan Resansman 2020 an (DHC-B detaye) bay enfòmasyon sou fanmi yo dapre ras oswa orijin responsab kay la (premye moun majè nan yon kay yo te bay repons pou resansman pou li a). 

Done detaye DHC-B yo disponib pou peyi a, eta yo, awondisman yo, kote yo, zòn resansman yo, ak Amerendyen yo, Otoktòn Alaska aj Otoktòn Awayi yo (AIANNH).

Dokiman ki gen done jodia a se dokiman ki mache ak DHC-A Detaye a, ki bay kantite fanm ak gason dapre laj yo pou menm gwoup detaye yo. Yo te pibliye DHC-A a nan mwa septanm 2023.

DHC-B a gen detay pou kantite fanmi sèlman. Lojman gwoup (tankou dòtwa fakilte, prizon oswa baz militè) yo pa nan dokiman done sa a.

Pou plis enfòmasyon konsènan DHC-B Detaye a, al li blòg “Konprann Fichye Demografik ak Karakteristik Lojman Detaye B.”

Atik America Counts ki rele “Ki moun ki rete nan kay yo posede?” analize ras ak orijin mèt kay ki gen moun yo nan tout peyi a ak pou chak eta.

Tout tablo Detaye DHC-B yo disponib sou data.census.gov. Pou èd pou w jwenn aksè ak itilize done yo, verifye ti videyo kout ak gid ki bay esplikasyon ki gen foto ekran ki nan Dosye près DHC Detaye  a. Done yo disponib tou sou Entèfas pwogramasyon aplikasyon an (API) Biwo Resansman an epi kòm yon dosye rezime pou w ka telechaje plizyè alafwa.

Kantite done ki disponib pou gwoup detaye rasyal ak ran sosyal ak tribi ak vilaj AIAN yo depann de kantite moun ki nan popilasyon an nan yon zòn presi. Metòd sa a pèmèt Biwo Resansman an pwodui plis detay posib pandan l ap garanti pwoteksyon konfidansyalite epi yo konsève prensip Biwo Resansman anrapò ak presizyon. Gen plis enfòmasyon, tankou enstriksyon ak konsèy pou itilizatè done yo, ki disponib sou paj entènèt DHC-B Detaye a ak nan dokiman teknik la.

Pou plis enfòmasyon sou fason Biwo Resansman an ranmase, ekri ak konte chif sou ras ak orijin Ispanik oswa Latino, gade Dokimantasyon teknik DHC-A detaye resansman 2020 la ak blòg Ki sa ou ta dwe konnen sou dosye demografik detaye ki pral vini ak karakteristik lojman an a.

###