SET. 19, 2024 — Inilabas ngayon ng Kawanihan ng Senso ng U.S. ang File ng Mga Karagdagang Katangiang Demograpiko at Katangian ng Tirahan (S-DHC). Pinagsasama-sama ng S-DHC — ang ilalabas na pinal na produkto ng data ng 2020 Senso — ang mga katangian ng mga sambahayan at ang mga taong nakatira sa mga ito. Naririyan ang data para sa bansa, sa 50 estado, sa Distrito ng Columbia at Puerto Rico. Dinaragdagan ng mga talahanayang ito ang data ng mga sambahayan at tao na inilabas sa File ng Mga Katangiang Demograpiko at Katangian ng Tirahan (DHC) noong Mayo 2023.

Nagbibigay ang S-DHC ng karaniwang laki ng sambahayan at mga bilang ng mga taong naninirahan sa mga partikular na uri ng mga sambahayan. Ang mga available na talahanayan ay ang mga sumusunod:

• Karaniwang laki ng sambahayan ayon sa edad.*
• Uri ng sambahayan (hal., mga sambahayan ng pamilya o hindi pamilya) para sa mga populasyon sa mga sambahayan.
• Populasyon na mas bata sa edad na 18 taon ayon sa relasyon at sa uri ng sambahayan.*
• Populasyon ng mga pamilya ayon sa edad.*
• Karaniwang laki ng pamilya ayon sa edad.*
• Uri ng pamilya at edad para sa sariling mga anak na mas bata sa edad na 18 taon.
• Kabuuang populasyon sa mga okupadong yunit ng tirahan ayon sa tenure (ibig sabihin, kung ang tirahan ay pag-aari o inuupahan).*
• Karaniwang laki ng sambahayan ng mga okupadong yunit ng tirahan ayon sa tenure.*

* Ang mga talahanayang minarkahan ng asterisk ay makikita rin ayon sa mga sumusunod na grupo ng lahi at Hispanikong pinagmulan:

• Puti lang.
• Itim o Aprikanong Amerikano lang.
• Amerikanong Indian at Katutubong Alaska lang.
• Asyano lang.
• Katutubong Hawayano at Ibang Taga-Islang Pasipiko lang.
• Iba Pang Lahi lang.
• Isa o Higit pang Lahi.
• Hispaniko o Latino.
• Puti lang, hindi Hispaniko o Latino.

Sinusuri ng kuwento ng America Counts, “Mayorya ng Populasyon sa Mga Sambahayan ng U.S. na Nakatira sa Mga Sambahayan ng Magkapareha noong 2020,” ang bilang ng mga taong nakatira sa sambahayan ng magkapareha (kung saan ang puno ng sambahayan ay may asawa o partner na nakatirang kasama niya) sa buong bansa at para sa mga estado, sa Distrito ng Columbia at Puerto Rico.

Makikita ang kumpletong hanay ng mga talahanayan ng S-DHC sa data.census.gov. Makikita rin ang data sa Interface sa Pag-program ng Application (API) ng Kawanihan ng Senso. Para sa tulong sa pag-access at paggamit sa data, tingnan ang mga maikling video at patnubay sa paggawa na may mga screenshot sa pakete ng mga babasahing para sa mamahayag tungkol sa S-DHC. 

Gaya ng sa lahat ng produkto ng data ng Kawanihan ng Senso, gumamit ang data na inilabas ngayon ng mga paraan sa pag-iwas ng pagsisiwalat para protektahan ang pagiging kompidensiyal ng tagasagot. Upang matiyak na walang sinuman ang makakapag-ugnay ng inilathalang data sa isang partikular na tao o sambahayan nang may katiyakan, nagdagdag ang Kawanihan ng Senso ng “panggulo sa estadistika”— mga maliit at random na pagdagdag o pagbawas — sa data ng S-DHC. Para magawa ito, ang Kawanihan ng Senso ay gumamit ng algorithm na nagbibigay-daan upang mapagsama at maprotektahan nang magkasama ang data ng tao at yunit ng tirahan. Dahil mas mataas ang panganib ng pagsisiwalat ng magkaugnay na data ng tao at sambahayan kumpara sa data ng kung tao o ng sambahayan lang, nagdaragdag ang algorithm ng hakbang sa pag-iwas ng pagsisiwalat na hindi inilalapat sa iba pang produkto ng data ng 2020 Senso para maprotektahan ang pagiging kompidensiyal ng mga katangian ng mga sambahayan. Kapag lumampas sa partikular na laki ang bilang ng mga tao sa isang nabilang nang sambahayan, “binabawasan” ng Kawanihan ng Senso ang sambahayan, o random na nag-aalis ng mga indibidwal, hanggang sa matugunan ng sambahayan ang limitasyon ng laki. May higit pang impormasyon sa buod na “File ng Pag-iwas ng Pagsisiwalat at Mga Karagdagang Katangiang Demograpiko at Katangian ng Tirahan (S-DHC): Paano Gumagana ang PHSafe.”  

Dagdag dito, sa unang pagkakataon, inilathala ng Kawanihan ng Senso ang mga mapagkakatiwalaang interval kasama ang pagtatantiya sa data.census.gov. Kumakatawan ang mga mapagkakatiwalaang interval sa isang hanay ng mga value na naglalaman ng mga kompidensiyal at binawasang value na may 90 porsiyentong probabilidad. Sinasalamin ng mga mapagkakatiwalaang interval ang panggulong isinama ng pag-iwas ng pagsisiwalat at ang epekto ng postprocessing ng estadistika pero hindi ang epekto ng pagbabawas o iba pang pinagmulan ng error, gaya ng error sa saklaw.

Para sa higit pang impormasyon, kasama ang gabay at mga tip sa user ng data, available ang blog na “Pag-unawa sa File ng Mga Karagdagang Katangiang Demograpiko at Katangian ng Tirahan” at ang teknikal na dokumentasyon, sa webpage na S-DHC.

###