21 SEPTANM 2023 — Jodi a, Biwo Resansman an pibliye Resansman pou kantite moun ki nan popilasyon an pou 2020 ak chif pou sèks selon laj pou 300 ras ak gwoup sosyal detaye, ansanm ak 1,187 tribi ak vilaj Ameriken Otoktòn ak Otoktòn nan Alaska (AIAN).

Done sa yo soti nan 2020 Census Detailed Demographic and Housing Characteristics File A (Detailed DHC-A). Anvan sa a, Biwo Resansman an te pibliye Resansman 2020 sou popilasyon Ispanik oswa Latino ak gwoup rasyal prensipal yo tankou Blan, Moun Nwa oswa Afriken Ameriken, Azyatik, elatriye.

Piblikasyon jodi a ajoute enfòmasyon sou gwoup detaye nan kategori prensipal sa yo menm jan ak Alman, Libanè, Jamayiken, Chinwa, Otoktòn Awayi ak Meksiken — ak sou tribi ak vilaj AIAN tankou Nation Navajo a. Piblikasyon an gen enfòmasyon konsènan plis pase 200 ras ak gwoup sosyal detaye ki pa konte nan resansman ki te fèt anvan yo.

Men sa Rachel ki se Responsab anchèf Depatman Estatistik Rasyal nan Biwo Resansman an, di: "Done Resansman 2020 an mete aksan sou kokennchenn divèsite ki gen nan peyi nou an." "Nou gen ide konplè sa a gras ak plizyè milyon moun ki te reponn nan resansman an e ki te bay detay sou ras, ran sosyal oswa idantite tribi yo, e se gras ak patisipan, moun k ap fè rechèch ak moun ki pran latèt nan tribi a ki te ede nou amelyore fason nou rasanble done detaye sa yo."

Pami detay enpòtan nan done yo, DHC-A ki detaye a revele pi gwo gwoup detaye nan prensipal gwoup ras ak popilasyon Ispanik la. Pou gwoup ras yo, done yo disponib ni pou popilasyon ki gen ras poukont li ak popilasyon ras ki poukont li oswa nan nenpòt popilasyon ki melanje. Popilasyon ki gen ras poukont li reprezante pi piti kantite moun ki idantifye kòm gwoup sa a. Sa gen ladan l moun ki bay yon sèl repons yo, tankou sèlman Moun peyi Fiji. Popilasyon ki gen ras poukont li oswa nan nenpòt melanj reprezante pi gwo kantite moun ki idantifye kòm gwoup sa a. Sa gen ladan l sa ki bay yon sèl repons, tankou Moun peyi Fiji, ak sa ki bay plizyè repons, tankou moun peyi Fiji ak Japonè oswa moun peyi Fiji ak moun Nwa oswa Ameriken Afriken.

• Popilasyon Meksiken an (35.9 milyon) te pi gwo gwoup detaye orijin Ispanik an 2020, apre w jwenn Pòtoriken ki nan 5.6 milyon ak Salvadoryen ki nan 2.3 milyon.
• Done pou orijin Ispanik yo montre popilasyon Kolonbyen (1.3 milyon) ak moun peyi Ondiras (1.1 milyon) te rive nan yon milyon pou premye fwa.
• Popilasyon Venezyelyen an grandi pi rapid nan tout gwoup detaye orijin Ispanik yo, sa ki prèske triple soti nan 215,023 an 2010 pou rive nan 605,381 an 2020.

• Pifò moun Blan ki nan peyi a te rapòte yon idantite Ewopeyen ki detaye an 2020. Anglè te gwoup detaye ke moun plis konnen ak 25.5 milyon moun ki rapòte Anglè poukont li ak 46.6 milyon ki rapòte Anglè pou kont li oswa nan nenpòt konbinezon.
• Ansanm, Anglè yo (46.6 milyon), Alman yo (45.0 milyon), epi Ilandè yo (38.6 milyon) poukont yo oswa nan nenpòt melanj popilasyon an fèt ak mwatye Blan poukont yo oswa nan yon melanj popilasyon an 2020.
• Libanè (685,672), Iranyen (568,564), ak Ejipsyen (396,854) poukont yo oswa nenpòt melanj popilasyon ki reprezante prèske mwatye nan 3.5 milyon moun ki reponn ki di Mwayen Oryan ak Afrik Dinò (MENA) nan Resansman 2020 an — premye resansman ki gen enkli egzanp MENA yo nan yon seksyon repons ekri. Egzanp MENA yo te mansyone ansanm ak kategori Blan an dapre prensip Biwo Jesyon ak Bidjè Etazini an 1997, ki te klase repons MENA yo nan kategori ras Blan.

• Pami moun Nwa oswa Ameriken Afriken ki te reponn yo, Ameriken Afriken te pi gwo gwoup detaye ki yo rapòte, ak 22.1 milyon moun rapòte Ameriken Afriken sèlman ak 24.6 milyon Ameriken Afriken sèlman oswa nan nenpòt melanj.
• Popilasyon Afriken ki soti nan Sid Sahara a poukont li te 2.3 milyon antou e popilasyon Sid Sahara oswa nan nenpòt melanj te 2.8 milyon antou. Popilasyon Nijeryen (604,077), Etyopyen (325,214), Somalyen (221,043), ak Ganeyen (172,558) yo te reprezante 46.9% Afriken ki soti nan sid Sahara yo poukont yo oswa nan nenpòt melanj.
• Popilasyon ki soti nan karayib la poukont li te 2.1 milyon antou e popilasyon ki soti nan karayib la ak nan nenpòt melanj te 2.6 milyon antou. Popilasyon Jamayiken (1.0 million), Ayisyen (1.0 million), Moun Trinidad ak Tobago (194,364), ak nan Antiy yo (119,806) te reprezante 91.5% popilasyon poukont li oswa nan nenpòt melanj. Popilasyon Jamayiken ak Ayisyen yo mete ansanm te reprezante pifò (80.5%) peyi popilasyon nan Karayib la poukont li an 2020.

• Pami tout gwoup Amerendyen ak Otoktòn Alaska yo, Aztec (387,122) te pi gwo gwoup poukont li ak Cherokee (1.5 milyon) pi gwo gwoup poukont li oswa nan nenpòt gwoup nan 2020.
• Yup’ik (Yup'ik Eskimo) te pi gwo gwoup ki poukont li (9,026) epi Tlingit se pi gwo gwoup Otoktòn Alaska yo oswa nan nenpòt melanj gwoup (22,601).
• Pami Amerendyen ki te reponn yo, Nasyon Navajo a te repons moun ki plis konnen ki poukont yo ak 315,086 moun, e Cherokee sa moun plis konnen poukont li oswa repons nan nenpòt melanj ak 1.5 milyon moun.

• Pami Azyatik ki te reponn yo, Endyen Azyati te gwoup poukont li ki pi gwo (4.4 milyon), ak Chinwa, sof pi gwo gwoup Taywann oswa nan nenpòt gwoup melanj (5.2 milyon).
• Filipino (4.4 milyon), Vyetnamyen (2.3 million), Koreyen (2.0 million), ak Japonè (1.6 million) yo tout te gen popilasyon poukont yo oswa ki melanje ki depase 1 milyon an 2020.
• Popilasyon Nepal la te gwoup Azyatik ki grandi pi vit pami popilasyon sa yo ki se 50,000 oswa plis an 2010. Popilasyon Nepal la poukont li te ogmante a 295.5% soti nan 51,907 an 2010 pou l monte a 205,297 an 2020, e Nepalè poukont li oswa nan nenpòt melanj popilasyon te ogmante rive nan 269.0% pou l soti nan 59,490 monte nan 219,503 pandan peryòd dizan an.

• Otoktòn Awayi te pi gwo gwoup Otoktòn Awayi ak Lòt Moun Zile Pasifik (NHPI) gwoup poukont yo (199,880) ak gwoup ki pokont yo oswa melanj ak lòt gwoup (680,442).
• Prèske tout gwoup NHPI yo te ogmante soti 2010 rive 2020. Popilasyon Chuukiz poukont li a te gwoup ki poukont li te ogmante pi rapid, ak yon ogmantasyon 296.2% rive 10,500 an 2020.
• NHPI poukont li ki grandi pi rapid la oswa nan nenpòt melanj gwoup se te Papwazi Nouvèl Gine, ki te ogmante a 249.3% rive bab 1,453 moun pandan peryòd dizan an.

• Pifò (93.9%) nan 27.9 moun ki te reponn yon ki klase kòm Kèk Lòt Ras poukont yo te Ispanik oswa orijin Latino.
• Popilasyon Kèk Lòt Ras la te gen moun ki te reponn ak ekspresyon "Plizyè Ras ak Plizyè Ran Sosyal", tankou "Birasyal," pou kesyon ras la. Te gen 467,447 repons poukont yo ak 1.9 milyon poukont yo oswa nan nenpòt melanj.
• Brezilye se te pi gwo gwoup detaye Kèk Lòt Ras ki pa gen repons Ispanik ak "Plizyè Ras ak ran Sosyal" yo pou kesyon ras la. Te gen 145,180 Brezilyen poukont yo ak repons 524,382 poukont yo oswa nan nenpòt melanj.

Konparezon done ras detaye ant Resansman 2020 ak Resansman 2010 la ta dwe fèt ak prekosyon epi konsidere amelyorasyon ki fèt nan kesyon sou ras la ak nan fason Biwo Resansman an ekri repons yo. Men, done detaye pou orijin Ispanik nan kesyon ran sosyal la konparab ant de resansman yo. Gen plis enfòmasyon konsènan chanjman ki fèt nan fason yo te ekri ras ak ran sosyal detaye pou Resansman 2020 an ki disponib nan blòg ki rele What You Should Know About the Upcoming Detailed Demographic and Housing Characteristics File A.

Gen plis enfòmasyon sou gwoup detaye ki disponib nan istwa America Counts yo:

• New Population Counts for Nearly 1,500 Race and Ethnicity Groups
• Asian Indian Was the Largest Asian Alone Population Group in 2020
• Detailed Look at Native Hawaiian and Other Pacific Islander Groups
• 3.5 Million People Reported Middle Eastern and North African Descent in 2020

Biwo Resansman an pibliye yon dokiman rechèch ki gen tit Understanding Counts of Afro-Latino Responses in the 2020 Census, prezantasyon diferan fason pou konte repons Latino Afriken yo.

Biwo Resansman an ap pibliye istwa konsènan popilasyon detaye pami popilasyon Ispanik, Amerendyen ak Otoktòn Alaska, Blan, Nwa oswa Ameriken Afriken, ak Kèk Lòt Ras nan kèk semèn k ap vini yo.

Done DHC-A detaye yo disponib nan entèraktif vizyalizasyon Detailed Races and Ethnicities in the United States and Puerto Rico: 2020 Census. Vizyalizasyon sa a make pi gwo ak dezyèm pi gwo gwoup detaye selon eta ak rejyon an epi ki bay lis klasman gwoup detaye selon ras ak gwoup sosyal ak selon pozisyon jeyografik yo.

Tout tablo Detaye DHC-A yo disponib tou sou data.census.gov. Pou èd pou w jwenn aksè ak itilize done yo, verifye ti videyo kout ak gid ki bay enstriksyon ki gen foto ekran ki nan Dosye près Detaye DHC.

Kantite done ki disponib pou gwoup detaye rasyal ak ran sosyal ak tribi ak vilaj AIAN yo depann de kantite moun ki nan popilasyon an nan yon zòn presi. Apwòch sa a pèmèt Biwo Resansman an bay plis detay posib pandan l ap asire l li pwoteje enfòmasyon konfidansyèl yo yon fason solid e gen plis detay sou sa nan blòg ki gen tit Data Quality for Detailed Race and Ethnicity Groups and American Indian and Alaska Native Tribes and Villages in the 2020 Census.

Pou plis enfòmasyon sou fason Biwo Resansman an kolekte, ekri ak konte chif sou ras ak Orijin Ispanik oswa Latino, gade paj entènèt Resansman 2020 an ki gen definisyon anrapò ak sijè a, ki se 2020 Census Detailed DHC-A Technical Documentation, ak blòg ki gen pou tit What You Should Know About the Upcoming Detailed Demographic and Housing Characteristics File A.

Enfòmasyon sou pwoteksyon enfòmasyon konfidansyèl ak presizyon done yo pou Resansman 2020 an disponib sou sit entènèt 2020 Census Data Products: Disclosure Avoidance Modernization la.

###