25 ME 2023 — Jodia, Biwo Resansman Etazini an pibliye Analiz Karakteristik Moun Popilasyon an nan resansman 2020 an epi Afiche Karakteristik Moun nan Popilasyon an ak Lojman (DHC). Dokiman sa yo gen pwochen seri done ki disponib nan Resansman 2020 an, ki ajoute plis detay sou chif sou popilasyon an ak chif sou lojman yo te pibliye anvan sa a nan objektif separasyon kongrè ak òganizasyon lejislatif.

"Estatistik sa yo se pou Ameriken yo. Mèsi pou patisipasyon w nan resansman an epi ankouraje zanmi w, vwazwen w ak kominote w pou yo reponn. Kounye a n ap remèt ou done sa yo pou w konprann e pou yo ka itil kominote w la," se sa Direktè Biwo Resansman an, Robert L. Santos di. "Done Resansman 2020 la ap pral sèvi kòm yon fondman enpòtan pou ane k ap vini yo pou sondaj nou fè chak ane yo e pou bay yon ide sou popilasyon an, e pou desizyon nan kad planifikasyon kominote a ak finansman yo pran nan tout peyi a."

Dokiman ki gen done Resansman 2020 nou fenk pibliye a ale pi lwen pase done ki egziste deja sou kantite moun ki gen nan popilasyon an, kantite moun ki gen laj pou yo vote (18 an ak pi gran), ras, orijin Ispanik ak kantite moun ki gen nan kay yo. Piblikasyon sa a gen plis detay gwoup laj yo, premye done sou sèks ki disponib nan Resansman 2020 an, enfòmasyon sou fanmi ak kay yo, ak plis detay sou lojman. Yo montre tou pwen komen ki genyen nan anpil nan sijè sa yo dapre ras ak orijin Ispanik.

Karakteristik Moun nan Popilasyon an bay yon apèsi sou sijè ki mansyone nan Resansman 2020 an nan yon tablo, ki fasil pou moun al gade pou zòn jeyografik yo rive jis nan sektè yo. DHC bay tablo ki gen plis detay, pifò nan nivo sektè a. Karakteristik Moun Nan Popilasyon an ak anpil nan tablo DHC yo disponib tou pou Zòn Aranjman Kòd Postal yo — reprezantasyon jeneral wout sèvis Kòd Postal U.S. Postal Service yo.

Resansman 2020 an montre sa ki vin apre a konsènan laj ak sèks moun nan peyi a:

• Ant 2010 ak 2020, laj mwayen Ozetazini vin pi gran akoz gen plis moun aje.
  • Nan ane 2020, te gen 55.8 milyon moun ki gen 65 an e ki pi gran Ozetazini (16.8% popipasyon an), jiska 38.6% sou 40.3 milyon an 2010. Ogmantasyon sa prensipalman parèt kay ak vyeyisman gwoup timoun ti te fèt nan peryòd kote te gen yon pakèt moun ki t ap fè pitit la.
  • Vin gen yon ogmantasyon ki rive a 50% nan gwoup moun ki gen santan depi 2010, sa ki reprezante varyasyon ki pi resan ki fèt soti nan yon resansman al nan yon lòt pou gwoup laj sa a.
  • Pou moun ki gen 70 lane e ki pi gran yo, kantite gason ogmante plis ant 2010 ak 2020 (42.2%) pase kantite fi yo (29.5%).
• An 1970, apre tout bebe ki te fèt nan peryòd kote te gen anpil moun ki t ap fè pitit yo te fin fèt (1946-1964), mwatye popilasyon an te gen mwens pase 28.1 lane. An 2020, laj mwayèn nan te 38.8, yon ogmantasyon ki plis pase 10 lane nan senk dènye dizan ki sot pase yo.
  • An 2020, gwoup moun ki te gen 45 lane epi ki te pi gran yo te reprezante 42% popilasyon an antou, yon chif ki monte sot nan 27% an 1940, ki se resansman anvan peryòd kote te gen yon pakèt moun ki t ap fè pitit la te kòmanse.
  • Kantite moun nan popilasyon an ki gen 65 an e ki pi gran te plis pase doub ant 1940 ak 2020, ki soti nan mwens pase 7% pou rive prèske 17%.
• An 2020, te plis pase 73.1 milyon timoun ki gen mwens pase 18 lane (22.1% tout popilasyon Etazini an nèt), ki sot nan 1.4% soti nan 74.2 milyon an 2010. Pi gwo diminisyon an se te pami gwoup moun ki gen mwens pase 5 lane yo, kote kantite moun sa yo te desann a 8.9% oswa 1.8 milyon. Rezilta sa a koresponn ak diminisyon nan timoun ki fèt ak pousantaj timoun ki fèt pou Etazini depi 2015.
• Pami eta yo, an 2020:
  • Katòz eta te gen laj mwayèn ki te pi gran pase 40 lane, defwa kantite pou 2010 la.
  • Vennsenk eta te gen pi gwo kantite popilasyon an ki gen 65 lane epi ki pi gran pase sa Florid te genyen an 2010 (17.3%), lè l te gen pi gwo kantite pase nenpòt nan eta yo. An 2020, Maine te gen pi gwo kantite a 21.8%, apre w vin jwenn Florid (21.2%), epi w jwenn Vermont (20.6%).
  • Utah ak Maine te eta ki te gen moun ki pi jèn e ki pi granmoun (jan yo te ye an 2010) la. Prèske mwatye popilasyon Utah a te moun ki gen mwens pase 31 lane pandan plis pase mwatye popilasyon Maine nan te gen moun ki gen plis pase 45 lane.
• An 2020, fi yo te kontinye fè pati yon pi gwo kantite ki pa gen twòp diferans (50.9%) parapò ak popilasyon total Etazini an — 168.8 milyon konpare ak prèske 162.7 milyon gason (49.1%). Te gen plis fi pase gason depi nan Resansman 1950 lan. Anvan sa, te gen plis gason pase fi nan kòmansman peryòd kolonizasyon an.
• Alaska te gen pi gwo pousantaj gason konpare ak fi pase nenpòt eta an 2020, kote te gen 108.4 gason pou 100 fi, apre sa w vin jwenn Dakota ki te gen 104.5 gason pou 100 fi.
  • Senk eta ki te gen pi piti pousantaj gason konpare ak fi te Delaware (ki te gen 92.9 gason pou 100 fi), Maryland (92.9), Mississippi (93.4), Alabama (93.4), ak South Carolina (93.5).
  • An 2020, pa gen okenn eta nan Sid oswa Nòdès ki te gen yon pousantaj gason konpare ak fi ki te depase 100; tout eta sa yo te gen plis fi pase gason.
• An 2020, kantite moun ki te sou kont lòt moun Ozetazini te 63.6 timoun ki gen mwens pase 18 lane ak granmoun ki gen 65 lane e ki pi gran pou chak 100 moun ki gen laj pou yo travay, sa vle di ant 18 ak 64 lane. Pousantaj moun ki sou kont lòt moun bay yon ide jeneral sou depandans ekonomik nan yon popilasyon lè w divize kantite moun ki gen laj pou yo sou kont moun (timoun ak granmoun ki gen 65 an e ki pi gran, ki pa nan laj pou yo ta travay) pa kantite moun ki nan laj pou yo travay (ant 18 ak 64 an).
• Dis nan 12 eta ki gen pi gwo pousantaj moun ki sou kont lòt moun an 2020 se te nan Lwès ak Santral Wès. South Dakota ak Idaho te gen moun ki sou kont lòt moun ki pi wo nan tout eta yo (73.0 ak 72.4, pou yo chak).

Piblik la ka jwenn plis enfòmasyon sou chif, sou laj ak sèks sa yo gras ak de done vizyalizasyon:

• Exploring Age Groups in the 2020 Census. Imaj detaye sa a bay kèk chif — pousantaj popilasyon, pousantaj chanjman depi 2010, pousantaj fi ak endis divèsite rasyal ak orijin ak pati nan popilasyon an sa konsène — pou yon seri gwoup moun nan peyi a, eta yo, ak rejyon yo ak sektè resansman yo. Vizyalizasyon an bay tou lis klasman mezi yo.
• How Has Our Nation's Population Changed? Imaj detaye sa a montre piramid popilasyon an ak chif ki klase pa laj ak sèks pou kantite total popilasyon an, ansanm ak ras ak gwoup ki gen orijin ispanik, pou peyi a, eta yo, rejyon metwopoliten an, rejyon ki pa gen anpil moun yo ak rejyon yo an 2020, 2010, ak 2000.
  

Gen yon seri tablo klasman ki ka telechaje ki koresponn ak chak imaj ki disponib.

Gen plis enfòmasyon sou laj ak sèks ki disponib tou nan istwa America Counts yo: An Aging U.S. Population With Fewer Children in 2020 ak 2020 Census: 1 in 6 People in the United States Were 65 and Over, ak de atik rezime: Age and Sex Composition: 2020 ak The Older Population: 2020.

DHC bay done sou laj ak sèks pou prensipal gwoup ras ak orijin jan Biwo Jesyon ak Bidjè Etazini an defini sa . Done yo montre sa ki vin apre yo konsènan laj ak sèks pou kategori ras ak gwoup orijin.

• Popilasyon ki gen moun ki sot nan plizyè ras la se te gwoup ras ki gen poun ki pi jèn nan peyi a an 2020, ak 32.5 pousan moun nan popilasyon l lan ki gen mwens pase 18 lane. Ant 2010 ak 2020, popilasyon ki gen moun ki sot nan plizyè ras pou chak gwo kategori laj (mwens pase 18 lane, 18 rive 44 an, 45 rive 65 an, ak 65 an ak pi gran) te ogmante nan plis pase 164%.
• An 2020, plis pase yon ka Kèk Lòt Ras sèlman yo (28.6%), Otoktòn Awayi ak Moun Zile Pasifik yo sèlman (28.3%), ak popilasyon Amerendyen ak Otoktòn Alaska sèlman (27.1%) yo te gen mwens pase 18 lane. Gwo kategori laj pou popilasyon sa yo te ogmante depi 2010.
• Popilasyon moun Blan yo sèlman yo se te gwoup ras ki gen moun ki pi granmoun an 2020, ak yon laj mwayèn 43.1, e l te diminye an 2010 ak 2020 nan chak kategori laj sof moun ki gen 65 e ki pi gran yo, ki te ogmante pou rive nan plis pase 25%.
• Popilasyon ki gen Azyatik la sèlman an se te dezyèm gwoup ras nan peyi a ki te pi granmoun an 2020, ak yon laj mwayèn ki se 37.0. Pandan peryòd dizan an, chak kategori laj pou popilasyon sa a te ogmante jiska 23% oswa plis.
• Popilasyon ki gen moun nwa oswa Afriken Ameriken sèlman yo te ogmante pou tout gwo kategori laj yo sof sa ki pi ba pase 18 lane, li te diminye jiska plis pase 6% soti 2010 rive 2020.
• Pandan peryòd dizan an, tout ras ki gen tout gwoup yo met ansanm te ogmante nan chak kategori ak Kèk Lòt Ras met ansanm ki te ogmante pi rapid — ki depase 482% pou chak kategori laj.
• Popilasyon Ispanik oswa Latino a, ki gen moun nenpòt ras, te gen moun ki pi jèn pase popilasyon ki pa Ispanik la an 2020. Laj mwayèn li te 30.0 an, kontrèman ak 41.1 pou popilasyon ki pa Ispanik la.

Konparezon ant Resansman 2020 ak Resansman 2010 la ta dwe fèt ak prekosyon e l ta dwe konsidere amelyorasyon Biwo Resansman an fè nan kesyon sou orijin Ispanik ak ras yo ak fason li ekri sa moun mete nan repons yo.

Nan sans sa a, done ki nan Resansman 2020 an montre dispozisyon ki diferan men ki rezonab nan Resansman 2010 an pou Popilasyon ki gen moun Blan sèlman, ak Kèk Lòt Ras Sèlman oswa melaj popilasyon, ak popilasyon ki gen plizyè ras, sitou pou moun ki di yo se ni Blan ak ni Kèk Lòt Ras. Rezilta sa yo pa fè nou sezi paske yo koresponn ak rechèch Biwo Resansman an te fè nan dis dènye ane ki sot pase yo, sitou ak rezilta ki nan 2015 National Content Test, konsènan enpak fòma kesyon yo sou rapò pou ras ak orijin nan. Amelyorasyon an plis montre richès ak konplikasyon nan fason moun idantifye ras ak orijin yo nan 21yèm syèk la.

Gen plis enfòmasyon sou Orijin Ispanik nan istwa America Counts yo: Hispanic Population Is Younger But Aging Faster.

Nan mwa September, pa mwayen dokiman DHC-A Detaye a, Biwo Resansman an ap pibliye kantite moun ki gen nan popilasyon an dapre Resansman 2020 an ak chif sou sèks dapre laj pou anviwo 370 gwoup ras ak orijin, tankou Alman, Libanè, Jamayiken, Chinwa, Otoktòn Awayi ak Meksiken, ansanm ak 1,200 tribi ak vilaj Ameriken Otoktòn ak Otoktoktòn Alaska, tankou Nasyon Navajo a.

Resansman 2020 an bay enfòmasyon sou kay yo, ki se tout moun k ap viv nan yon lojman, sa gen ladan l moun k ap viv poukont yo oswa an fanmi (de oswa plis moun k ap viv ansanm ki gen lyen nan nesans, maryaj oswa adopsyon).

• Plis pase yon ka (27.6%) fwa kay ki gen moun yo gen yon moun k ap viv poukont li, jiska 7.7% an 1940.
• 7.2% kay ki gen fanmi yo te gen plizyè jenerasyon.
• 6.1 milyon oswa 8.4% timoun ki gen mwens pase 18 an te lakay gran paran yo, jiska 5.8 milyon (7.9%) an 2010.
• Plis pase mwatye (53.2%) kay Ozetazini yo se te kay ki gen koup, kay kote moun ki ret ladan l lan se yon konjwen oswa patnè k ap viv ansanm.
• Koup ki gen moun menm sèks yo te reprezante jiska 1.7% kay ki gen koup yo.
• Pifò (89.1%) nan 323.2 milyon moun k ap viv nan kay Ozetazini yo se te swa mèt kay la, konjwen oswa patnè yo oswa pitit yo.
• Kay ki gen fanmi yo te reprezante anviwon de tyè tout kay Ozetazini yo, jan sa te ye an 2010.
• Pifò (71%) kay ki gen fanmi yo se te koup marye.
• Te gen 126.8 milyon kay, ki reprezante yon ogmantasyon 8.7% pa rapò ak 116.7 milyon an 2010.

Gen plis enfòmasyon sou fanmi ak kay ki disponib nan istwa America Counts yo: Family Households Still the Majority ak Share of U.S. Coupled Households Declined in 2020.

Resansman 2020 an bay enfòmasyon konsènan lojman ki gen moun ak sa k vid yo. Pou lojman ki gen moun yo, li gen enfòmasyon sou kantite moun ki ladan l — kit kay la se pou moun nan oswa se lwe li lwe l. Pou lojman ki vid yo, Resansman 2020 an bay enfòmasyon sou rezon ki fè l vid la — kit lojman an se pou lwe, pou vann , se yon kay yo itilize chak sezon, elatriye.

• Pami 126.8 kay ki gen moun ladan yo a, an 2020, 80.1 milyon (63.1%) se te kay kote se mèt yo ki ret ladan yo. Yo rele pousantaj sa pousantaj moun ki posede kay tou. An 2020, pousantaj la te pi ba l te janm ye depi 1970. Li desann a 2.0 pwen pousantaj depi 2010, lè l te 65.1%.
• An 2020, 46.8 milyon (36.9%) se te lojman ki gen moun kote se lwe yo lwe kay la.
  • Kay ki gen moun ki lwe kay la te ogmante a 14.8% soti nan 40.7 milyon an 2010 pou rive nan 46.8 milyon an 2020.
  • Ogmantasyon lojman kote moun yo se lwe yo lwe yo a kontinye depase kay kote moun ki ret ladan yo a se mèt kay la, e se te menm bagay la ant 2000 ak 2010.
• se sèlman senk eta ki te gen ogmantasyon nan pousantaj moun ki posede kay ant 2010 ak 2020. Awayi te gen pi gwo ogmantasyon nan pwen pousantaj (1.2), apre w vin jwenn Alaska (0.8), Idaho (0.5), South Carolina (0.4) ak Wyoming (0.1).
• West Virginia ak Maine te gen pi gwo pousantaj moun ki posede kay an 2020, ki se 72.6% ak 71.1%, pou yo chak. District of Columbia te gen pousantaj moun ki posede kay ki pi ba pase tout 50 eta yo (38.3%). (Housing Ranking Table 1: Ranking of Homeownership Rate Differences Between 2010 and 2020 for States, the District of Columbia, and Puerto Rico)
• Pami 10 zòn estatistik rejyon metwopoliten ak ti rejyon prensipal ki prezante pi gwo pousantaj moun ki posede kay yo, twa te nan Florid e te gen twa nan Michigan. Zòn Florid ki gen pi gwo pousantaj moun ki posede kay te The Villages (88.3%), Homosassa Springs (82.1%) ak Punta Gorda (81.3%). Zòn nan Michigan ki gen pi gwo pousantaj moun ki posede kay te Holland (82.5%), Iron Mountain (79.6%) ak Traverse City (79.3%). (Housing Ranking Table 2: Ranking of the Ten Highest Homeownership Rates in 2020 for Metropolitan or Micropolitan Areas)
• Selon ras, pousantaj moun ki posede kay te pi wo pami Blan yo (70.5%) mèt kay, apre jwenn Azyatik (58.5%) mèt kay ak De oswa Plis Ras (54.2%) mèt kay. Otoktòn Awayi oswa Moun Zile Pasifik yo te gen pousantaj moun ki posede kay ki pi ba (39.6%) an 2020.
• Pou tout peyi a, an 2020, pousantaj mèt kay ki pa ret nan kay yo — kantite kay nou konte kote mèt kay la pa ret ladan l e ki te pou vann — te 1.5%, ki se yon diminisyon 0.9 pwen pousantaj pa rapò ak 2010, lè pousantaj la te 2.4%. Tout eta yo, sof twa ladan yo, te gen yon diminisyon nan pousantaj pwopriyetè ki gen kay yo ki vid. Nevada (-3.7), Arizona (-2.2), Idaho (-1.9), Georgia (-1.8) ak Florida (-1.8) te gen pi gwo diminisyon pwen pousantaj.
• An 2020, pousantaj lojman ki pou lwe ki te vid te 7.4%, ki diminye sot nan 9.2 an 2010. Nan rejyon estatistik metwopoliten an nan ti rejyon yo ak 10 pi gwo popilasyon ki gen kay yo, Houston-The Woodlands-Sugar Land, nan Tegzas, te gen pi gwo pousantaj kay lojman ki vid ki te nan 10.4%, e se te li menm sèl ki te gen pousantaj ki pi wo pase 10.0% an 2020. (Housing Ranking Table 3: Ranking of Rental Vacancy Rates in 2020 for the Metropolitan Areas with the Ten Largest Household Populations)
• Te gen 4.4 milyon lojman ki vid Ozetazini an 2020 ki klase nan kategori "vid – pou itilize nan sezon presi, pou detant, oswa pou okazyon," ki desann nan 4.6 milyon an 2010. Menm jan sa te ye an 2010, Florida se eta ki gen plis nan kalite kay sa yo. Tout 667,000 kay nan Florid yo te reprezante 15.3% kay pou sezon presi, pou detant oswa yo itilize pou okazyon parapò ak tout peyi a an 2020. Apre Florid ou vin jwenn Kalifòni (295,000), Nouyòk (248,000), Michigan (243,000) ak Tegzas (192,000).

Gen plis enfòmasyon sou lojman nan istwa America Counts yo: See a Vacant Home? It May Not be For Sale or Rent.

Resansman 2020 an bay enfòmasyon sou popilasyon ki nan lojman gwoup yo — kote moun yo viv ak abite an nan yon lojman pou yon gwoup moun, kote se òganizasyon ki bay lojman oswa sèvis pou abitan yo ki posede oswa jere lojman yo. Sa gen ladan l kote tankou kay nan inivèsite, kay gwoup, kazèn militè, abri ijans ak pwovizwa, ansanm ak prizon. DHC bay done sou lojman gwoup yo selon gwoup laj, sèks, ras ak orijin Ispanik, ak kalite katye gwoup.

• Done sou moun ki abite nan lojman gwoup ki disponib nan DHC a gen ladan l:
• Tablo selon sèks ak gwo kategori laj (mwens pase 18 lane, ant 18 ak 64, 65 lane e ki pi gran) jiska nan sektè resansman an.
• Tablo selon ras ak orijin Ispanik jiska nan sektè resansman an.
• Tablo selon sèks ak laj pou kèk kategori gwoup lojman presi jiska nan sektè resansman an.
• Tablo selon sèks ak kategori laj senk an pou gwo gwoup kalite lojman gwoup tankou lojman pou elèv fakilte/inivèsite ak kazèn militè jiska nan sektè resansman an.

Done sou lojman gwoup yo disponib sou data.census.gov.

Biwo Resansman an gen yon seri zouti pou ede piblik la konn plis epi itilize done sa yo.

Yon gwoup done sou karakteristik moun nan popilasyon an ak DHC disponib pou w ka aprann fasil nan imaj ki koresponn ak done yo, ki gen plis resous ki kore l.

• Exploring Age Groups in the 2020 Census
• How Has Our Nation's Population Changed?
• Tablo klasman moun ka telechaje
• Videyo eksplikasyon

Karakteristik Moun nan Popilasyon an ak DHC yo disponib sou platfòm ki pibliye enfòmasyon Biwo Resansman an ki se, data.census.gov.

Platfòm sa a pèmèt moun k ap itilize done yo pou yo chèche zòn epi jwenn done yo gras ak tablo, kat ak telechajman:

• Tablo ki gen done: Itilizatè yo ka chwazi zòn, ranje selon sijè, oswa ajoute lòt kritè ki aplikab. Ou ka anrejistre, konsève epi sere gras ak opsyon glise ak depoze a.
• Aranjman: Itilizatè done yo ka afiche done sou koleksyon zòn jeyografik nan yon kat ki baze sou tèm pou yon reprezantasyon ki pi vizyèl.
• Telechajman Done: Itilizatè yo ka telechaje plizyè tablo pou resansman 2020 ak 2010 an menm tan pou l ka pi fasil pou yo gade.

Videyo ki bay enfòmasyon ak gid ki bay esplikasyon sou fason pou moun jwenn done DHC, jwenn sektè gras ak yon kat, chèche done pou zòn nan vil ak nan rejyon andeyò yo, telechaje ak pran done, ansanm ak done konparezon ant 2020 ak 2010 disponib sou paj entènèt Fiche Karakteristik Moun nan Popilasyon an ak Lojman pou 2020 an.

Menm jan ak tout dokiman Biwo Resansman an, done ki nan dokiman ki pibliye jodia itilize metòd pou evite pataj enfòmasyon pou pwoteje enfòmasyon konfidansyèl moun ki reponn nan. Pou nou asire nou pa gen okenn moun ki ka asosye done ki pibliye yo ak yon moun oswa kay byen presi, nou te ajoute sa yo rele "bri estatistik" la — ajoute oswa retire ti detay, pa aza — nan done yo. Biwo Resansman an te travay tèt kole ak kominote k ap itilize done yo pou mete pwoteksyon sa yo sou pye. Pou nou ede w konprann fason nouvo pwoteksyon pou evite pataje enfòmasyon konfidansyèl la mache, ale sou Disclosure Avoidance and the 2020 Census: The TopDown Algorithm and Why the Census Bureau Chose Differential Privacy.

Lè itilizatè done DHC ak Karakteristik Moun nan Popilasyon an ap itilize yo, Biwo Resansman an ankouraje itilzatè done yo pou yo rasanble ti popilasyon ak jeyografi yo pou amelyore presizyon epi diminye rezilta ki pa rezonab. Gen plis enfòmasyon sou fason bri estatistik la gen enpak sou done yo ki disponib nan blòg: What to Expect: Disclosure Avoidance and the 2020 Census Demographic and Housing Characteristics File. Met sou sa, Biwo Resansman an pibliye mezi yo jodia pou ede moun k ap itilize done yo konprann varyasyon ki koresponn ak evite pataje enfòmasyon ki nan DHC a. Resansman 2020 an se premye resansman ki ka mete yon kantite sou varyasyon sa a paske li sèvi ak yon apwòch ki pi konplike pou evite pataje enfòmasyon.

Pou enfòmasyon sou koleksyon done pou resanman 2020 an, pwoteksyon enfòmasyon konfidansyèl, erè ki pa gen rapò ak echantiyon, definisyon sijè yo, ak enstriksyon sou itilizasyon done yo, al gade paj entènèt 2020 Census Demographic and Housing Characteristics File Summary File (DHC) Technical Documentation la. Rezilta ki soti nan Post-Enumeration Survey ak Demographic Analysis yo bay plis enfòmasyon sou kalite Resansman 2020 an.